Home |MINISTRY OF CULTURE ARTS AND SPORTS

Honorable Dr.

Damas Daniel Ndumbaro

Biography

Tamasha la tatu la Kitaifa la Utamaduni mkoani Ruvuma

Naibu Waziri wa Utamaduni, Sanaa na Michezo, Mhe. Hamis Mwinjuma na katibu Mkuu wa Wizara hiyo Gerson Msigwa wameshuhudia fainali za michuano ya Ndondo Cup 2024 ambayo imehitimishwa Agosti 31 2024 kwa mchezo wa fainali uliochezwa katika uwanja wa Kinesi kati ya timu za Azimio FC ya Buguruni na Soccer City. Katika mtanange huo Azimio wameibuka na ushindi wa magoli 2-1 na kutwaa Ubingwa wa fainali hizo na kubeba Kombe na zawadi ya shilingi milioni 25.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akiweka jiwe la Msingi la ujenzi wa Suluhu Sports Academy katika eneo la Kizimkazi wakati wa shamrashamra za Tamasha la Kizimkazi, Zanzibar tarehe 22 Agosti, 2024.

Naibu Waziri wa Utamaduni, Sanaa na Michezo, Mhe. Hamis Mwinjuma amewasili Zanzibar kwa ajili ya kuhudhuria shughuli mbalimbali ambazo zinaendelea kwenye Tamasha la 9 la Utamaduni Kizimkazi (Kizimkazi Festival) ambapo amepokelewa na kukaribishwa na mwenyeji wake, Waziri wa Habari, Vijana, Utamaduni na Michezo, Mhe. Tabia Maulid Mwita.

Kamati ya Kudumu ya Bunge ya Elimu, Utamaduni na Michezo ikiongozwa na Mwenyekiti wa Kamati hiyo Mhe. Husna Sekiboko Agosti 19, 2024 imepokea na kujadili taarifa ya Wizara ya Utamaduni, Sanaa na Michezo kuhusu ujenzi wa miundombinu ya Akademia ya Taifa ya Michezo Malya unaoendelea na mikakati ya uendelezaji na uhimizaji wa matumizi ya lugha ya Kiswahili ndani na nje ya nchi. Taarifa hizo zimewasilishwa na Waziri wa Utamaduni, Sanaa na Michezo Mhe. Dkt. Damas Ndumbaro

Waziri wa Utamaduni Sanaa na Michezo Mhe. Dkt. Damas Ndumbaro akikabidhi kitita cha shilingi milioni tano za goli la mama kwa nahodha wa Klabu ya Azam, Lusajo Mwaikenda ikiwa ni ahadi ya Rais wa Jamhuri ya Muungano wa Tanzania, Mhe. Dkt. Samia Suluhu Hassan kwa timu za Tanzania zinazoibuka na ushindi kwenye mashindano ya Kimataifa ya Klabu Bingwa Afrika na Kombe la Shirikisho. Timu hizo Yanga, Azam, Simba na Coastal Union. Klabu ya Azam katika mchezo wake wa Kimataifa na Klabu ya APR ya nchini Rwanda imeshinda goli 1 – 0 katika uwanja wa Azam Complex Agost 18, 2024 Jijini Dar Es Salaam

Waziri wa Utamaduni, Sanaa na Michezo Mhe. Dkt. Damas Ndumbaro ametembelea na kukagua Uwanja wa mpira wa miguu wa Gombani ulioko Pemba, Zanzibar ambao umefanyiwa ukarabati mkubwa na Serikali ya awamu ya nane inayoongozwa na Rais wa Zanzibar na Mwenyekiti wa Baraza la Mapinduzi Mhe. Dkt. Hussein Ali Mwinyi. Katika ziara hiyo ya kikazi iliyofanyika Agosti 17, 2024 Mhe. Ndumbaro anatarajiwa kufunga mashindano ya Jimbo Cup yatakayofanyika katika jimbo la Wete visiwani humo.

Waziri wa Utamaduni, Sanaa na Michezo Mhe. Dkt. Damas Ndumbaro (Kushoto) akimakabidhi Mpira Naibu Katibu Mkuu Bw. Methusela Stephen Ntonda alipowasili katika Ofisi ndogo za wizara zilizopo katika Uwanja wa Benjamin Mkapa Jijini Dar es Salaam Agosti 16, 2024 baada ya kuapishwa na Rais wa Jamhuri ya Muungano wa Tanzania Mhe. Dkt. Samia Suluhu hassan Agosti 15, 2024 Ikulu Jijini Dar es Salaam.

Rais wa Jamhuri ya Muungano wa Tanzania Mhe. Dkt. Samia Suluhu Hassan akimuapisha Bw. Methusela Stephen Ntonda kuwa Naibu Katibu Mkuu wa Wizara ya Utamaduni, Sanaa na Michezo Agosti 15, 2024 Ikulu Jijini Dar es Salaam.

PONGEZI

Waziri wa Utamaduni, Sanaa na Michezo Mhe. Dkt. Damas Ndumbaro, Agosti 9, 2024 Jijini Arusha alishiriki katika hafla ya uzinduzi wa shindano la kimataifa la urembo la Miss Travel World 2024. Shindano hilo la Kimataifa ambalo ni ubunifu wa Mtanzania Bw. Samwel Malugu limeandaliwa kampuni ya Skyfree International kwa lengo la kutangaza Utamaduni, Sanaa, Utalii na kuhamasisha ushirikiano wa Kimataifa kupitia washiriki kutoka mataifa mbalimbali.

Waziri wa Utamaduni, Sanaa na Michezo Mhe. Dkt. Damas Ndumbaro Agosti 11, 2024 Dar Es Salaam amekabidhi kombe la ubingwa wa mashindano ya Kriketi Afrika kwa timu ya Tanzania ya wanaume chini ya miaka 19 ambayo imefuzu daraja la kwanza la mchezo huo. Mashindano hayo yalifanyika hapa nchini kuanzia Agosti 1 hadi 11, 2024 yakishirikisha timu kutokana mataifa nane ambayo ni Tanzania, Sierra Leone, Nigeria, Rwanda, Ghana, Botswana na Malawi

Waziri wa Utamaduni, Sanaa na Michezo Mhe. Dkt. Damas Ndumbaro @damasndumbaro_official ameongoza kikao kazi cha Menejimenti na Wakuu wa Taasisi za Wizara hiyo kujadili masuala mbalimbali kuhusu maendeleo ya Sekta ya Utamaduni, Sanaa na Michezo hapa nchini. Kikao kazi hicho kimefanyika Agosti 14, 2024 Jijini Dodoma ikiwa ni mwendelezo wa vikao mbalimbali ambavyo vimekua vikifanywa na Waziri Mhe. Dkt. Damas Ndumbaro kwa lengo la kujenga uelewa wa pamoja wa utendaji kazi ndani ya Wizara.

Nanene Dodoma 2024

Waziri wa Utamaduni, Sanaa na Michezo Mhe. Dkt. Damas Ndumbaro Agosti 3, 2024 amefungua mashindano ya mpira wa kikapu wa kampuni za China zinazofanya kazi nchini Tanzania. Akizungumza wakati wa ufunguzi huo Mhe. Ndumbaro amesema Serikali kupitia Wizara ya Utamaduni, Sanaa na Michezo itaendelea kushirikiana na makampuni hayo katika uendelezaji wa shughuli za michezo.

Waziri wa Utamaduni, Sanaa na Michezo Mhe. Dkt. Damas Ndumbaro (kushoto) pamoja na Balozi wa Tanzania nchini Ufaransa Mhe. Ali Mwadini (kulia) wakimkabidhi Mkurugenzi Mkuu Msaidizi masuala ya Elimu kutoka UNESCO Bi. Stefania Giannini (katikati) tuzo ya Kimataifa ya Mwalimu Nyerere katika Kiswahili kwa lengo la kutambua mchango wa UNESCO kwenye kukuza na kukitangaza Kiswahili kimataifa wakati wa kikao cha kuwasilisha andiko la ushirikiano kati ya Tanzania na wadau wa UNESCO kwenye ujenzi wa shule ya Kiswahili na Stadi za Kiafrika nchini Tanzania Agosti 01, 2024 jijini Paris, Ufaransa.

Naibu Waziri wa Utamaduni, Sanaa na Michezo, Hamis Mwinjuma ameshiriki tukio la uzinduzi rasmi wa huduma za usafiri wa treni ya kisasa (SGR) kutoka Dar es salaam -Morogoro mpaka Dodoma iliyozinduliwa na Rais wa Jamhuri ya Muungano wa Tanzania, Dkt. Samia Suluhu Hassan Agosti 1 2024

Naibu Waziri wa Utamaduni, Sanaa na Michezo, Mhe. Hamis Mwinjuma akifurahia pamoja na wasanii mbalimbali wakati wa safari ya Dar es salaam -Dodoma ndani ya usafiri wa treni ya kisasa (SGR) baada ya kuzinduliwa na Rais wa Jamhuri ya Muungano wa Tanzania, Dkt. Samia Suluhu Hassan Agosti 1,2024

Waziri wa Utamaduni, Sanaa na Michezo Mhe. Dkt. Damas Ndumbaro akizungumza na Timu ya Taifa Waogeleaji Collins Saliboko (katikati) na Sophia Lattif (kushoto) wanaoshiriki Mashindano ya Olimpiki Paris Julai 30, 2024 nchini Ufaransa. Katika mashindano hayo, karata ya pili ya Tanzania imechezwa na mwogeleaji Collins katika Bwawa la Paris les Defence Arena na kupambana na ushindani mkali katika michuano ya mita 100 (freestyle) kwa wanaume. Saliboko ametumia sekunde 53: 38 na kumaliza nafasi ya saba, ambapo mshindi ni Qvesh Purahoo kutoka Mauritius ambaye ametumia sekunde 52:22 ikiwa ni tofauti ya sekunde 1: 16.

Waziri wa Utamaduni, Sanaa na Michezo Mhe. Dkt. Damas Ndumbaro akipata ufafanuzi kutoka kwa Meya wa jiji la Canet Bw. Stephene Loda (wa kwanza kushoto) pamoja na Rais wa Timu ya Mpira wa Miguu ya Canet RFC Bw. Jackie Louis kuhusu eneo la undelezaji mji pamoja na maeneo ya ujenzi wa miundombinu ya michezo wakati alipofanya ziara ya kutembelea kituo cha michezo na kukuzia vipaji cha timu ya mpira wa miguu ya Canet RFC ya jiji la Canet kusini mwa Ufaransa Julai 27, 2024.

Katibu Mkuu wizara ya Utamaduni, Sanaa na Michezo Gerson Msigwa akizungumza na baadhi ya viongozi wa Benki ya NBC wakiongozwa na Mkuu wa Kitengo cha Mawasiliano na Mahusiano ya Umma wa benki ya NBC, Godwin Semunyu. Mazungumzo hayo yamefanyika Julai 25, 2024 katika ofisi za wizara hiyo, Mtumba Jijini Dodoma, ambapo Katibu Mkuu amepokea mwaliko wa wizara kushiriki mbio zilizoandaliwa na benki hiyo zitakazofanyika Julai 28, 2024 Uwanja wa Jamhuri Dodoma kwa lengo la kuchangia matibabu ya Shingo ya Kizazi kwa wanawake ambayo itaongozwa na Waziri Mkuu wa Jamhuri ya Muungano wa Tanzania Mhe. Kassim Majaliwa na itahusisha mbio za kilomita 42, 21,10 na 5 kwa wanawake na wanaume.

Waziri wa Nchi Ofisi ya Waziri Mkuu Sera, Bunge na Uratibu Mhe. Jenista Mhagama akiwaongoza Machifu kutoka mikoa mbalimbali nchini kutembelea eneo la Mnara wa Mashujaa lililopo mji wa Serikali Mtumba, mara baada ya mkutano wao na Rais wa Jamhuri ya Muungano wa Tanzania, Mhe. Dkt. Samia Suluhu Hassan katika viwanja vya Ikulu Chamwino mkoani Dodoma tarehe 20 Julai, 2024. Naibu Katibu Mkuu wa Wizara ya Utamaduni, Sanaa na Michezo Dkt. Suleiman Serera alishiriki ziara hiyo.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akiwa kwenye picha ya pamoja na Machifu kutoka mikoa mbalimbali nchini katika viwanja vya Ikulu Chamwino mkoani Dodoma tarehe 20 Julai, 2024.

Katibu Mkuu wa Wizara ya Utamaduni, Sanaa na Michezo, Gerson Msigwa leo Julai 19, 2024 ametembelea na kukagua maendeleo ya ujenzi wa jengo jipya la Wizara katika mji wa Serikali Mtumba, jijini Dodoma. Katika ziara hiyo Katibu Mkuu Msigwa ameambatana na baadhi wajumbe wa Menejimenti na watumishi Wizara hiyo.

Katibu Mkuu wa Wizara ya Utamaduni, Sanaa na Michezo Gerson Msigwa akipokea Tuzo ya ushindi iliyotolewa na Mamlaka ya Maendeleo ya Biashara Tanzania (TANTRADE) kwa Wizara ya Utamaduni, Sanaa na Michezo kwa kuwa Mshindi wa Tatu Waoneshaji Bora kundi la wizara wakati wa Maonesho ya 48 ya Biashara ya Kimataifa (SabaSaba) 2024 yaliyofanyika kuanzia Juni 28 hadi Julai 13, 2024 Jijini Dar es Salaam. Tuzo hiyo imekabidhiwa Julai 18, 2024 na Mratibu wa wizara wa maonesho hayo ambaye pia ni Mkurugenzi Msaidizi Idara ya Utawala na Rasilimali watu Bi. Zahara Guga.

Mr.

Gerson Msigwa

Biography

Sisi ni Nani

Wizara ya Utamaduni, Sanaa na Michezo ilianzishwa kwa Tangazo la Serikali Namba 1 la Januari, 2016. Katika kutekeleza majukumu yake kikamilifu, Wizara kimuundo imegawanyika katika maeneo makuu mawili ambayo ni :

i. Usimamizi na utekelezaji wa masuala ya kisekta

ii. Uendeshaji, uratibu na usimamizi

USIMAMIZI NA UTEKELEZAJI WA MASUALA YA KISEKTA

Eneo hili linatekelezwa na Idara ya Idara ya Maendeleo ya Utamaduni,Idara ya Maendeleo ya Sanaa na Idara ya Maendeleo ya Michezo kwa ushirikiano na Taasisi zilizopo chini ya Idara hizo.

UENDE... ....Read More